تستمع الآن

سمية الخشاب: قضيتي مع أحمد سعد هي قضية كل امرأة عربية

الإثنين - ٠٤ نوفمبر ٢٠١٩

عادت قضية الفنانة سمية الخشاب وزوجها السابق أحمد سعد للظهور بعد حكم بحبسها في قضية شيك بدون رصيد.

وعلقت سمية الخشاب على القضية في مداخلة عبر Messenger مع الإعلامية لميس الحديدي في برنامجها «القاهرة الآن» على قناة «الحدث».

وقالت إنها أدت صلاة استخارة قبل أيام وتوجهت إلى الله بأنها متنازلة عن كل شيء لكنها تريد العيش بسلام.

وتابعت أنها طلبت من الله أن يعطيها إشارات، حتى وجدت تلك القضية، مؤكدة أنها لن تتخلى عن حقوقها بعد الآن.

وأضافت «سمية»: «قضيتي مش قضية سمية الخشاب الفنانة، دي قضية كل ست مصرية وعربية بتتعرض لمشاكل وعنف في جوازها وبتضيع حقوقها وبيتضغط عليها من كل اللي حواليها، وفي كل مكان الست بتتعرض للعنف».

سمية الخشاب : دمي مش هيروح هدر يا أحمد يا سعد

سمية الخشاب ردا على اعتذار أحمد سعد : دمي مش هيروح هدر يا أحمد#لميس_الحديدي #القاهرة_الآنSomaya Elkhashabشوف المكالمة الكاملة – https://youtu.be/wHe9T7IUDEs

Posted by ‎القاهرة الآن مع لميس الحديدي‎ on Sunday, 3 November 2019

وأكدت سمية الخشاب، تعليقًا على القضية: «عمري ما اترد لي شيك، ولما ما بيكونش عندي إيداع بجري أعمل إيداع، لكن هو راح في وقت مفيش فيه فلوس وأنا قلت له أديني وقت أرجع مصر أحط فلوس في الحساب، لكن هو راح وأخد رد على الشيك».

وأوضحت: «حصل مفاوضات مع وسطاء خير بيننا، واتضغط عليا واتقال لي اخلصي بلا وجع قلب، واتعملت عقود للتنازل عن حقوقي من نفقة ومؤخر، لكن ما مضيتش».

سمية الخشاب وزوجها السابق أحمد سعد، خرجا في تصرحات بعد القضية،  حيث قالت «سمية» في تصريحات لبرنامج «الحكاية»، مع عمرو أديب: «ده واحد مش بيحترم الناس ولا الاتفاقات وبيخبط أي كلام ومش عارف هو بيعمل ايه وكل واحد يتحمل نتائج أخطائه وبعد كده ميزعلش».

واستطردت: «هو إنسان مش طبيعي الحقيقة، لكن الشيك بدون رصيد أنا عمري متردلي شيك، وهو كان تخليص حسابات بيننا، هو مش مظبوط وهو حد مقدرش قيمته ولا تضحياتي».

وتابعت: «هو في حد طبيعي بيعمل كده؟، مصر كلها بتقولي إنتي هبلة، أنا أمي مقهورة لحد دلوقتي، متعرفش بياخد إيه».

وأشارت إلى أنها استأذنته في عدم صرف الشيك، لأنها متواجدة خارج مصر، وليس لديها رصيد كافٍ، بسبب التزامات أخرى.

وشددت على أنها مستعدة لمنح طليقها المبلغ المالي المطلوب، مؤكدة: «الفلوس بتاعته موجودة في البنك، يروح ياخدها، الله يسهله، أنا زهقت من مشاكله، أنا سمعتي زي الجنيه الدهب».

وتابعت سمية الخشاب: «محدش كان عارف أنه رفع قضية، أنا تنازلت كتير ومش هسيب حقي منه أبدا».

وقال أحمد سعد عبر صفحته على موقع «فيسبوك»: «برغم كل ما أثير حول الأزمة الحالية للفنانة سمية الخشاب والتي حدثت عن طريق خطأ إجرائي ودون علمي وأنا الآن خارج مصر أوضح وفقط للحق ومهما كانت الخلافات أنه بالفعل تمت التسوية والاتفاق على التسوية بنفو راضية».

أحمد سعد وسمية الخشاب

وأكمل: «تفاجأت بالأخبار من خلال الإعلام وتم فورا تصحيح المسار متعاليا عن أي إساءة او ترويج لأكاذيب».

وأضاف: «عاهدت الله على عدم الإساءة أو الافتراء مهما كانت الظروف.. وسيعلم الذين ظلموا أي منقلب ينقلبون».


الكلمات المتعلقة‎


مواضيع ممكن تعجبك