تستمع الآن

رسالة من خطيبة هيثم أحمد زكي: «ربنا يجمعنا بأحبابنا في الجنة اللي مفيهاش حزن»

الأربعاء - ١٣ نوفمبر ٢٠١٩

وجهت إنجي سلامة، خطيبة الفنان الراحل هيثم أحمد زكي رسالة مؤثرة عقب أيام قليلة من وفاته، مشيرة إلى أنها الجميع يمر باختبارات في حياته قد تكون اختبارات كبيرة وصعبة.

وأضافت خطيبة الراحل هيثم أحمد زكي، عبر تدوينة على صفحتها الشخصية على موقع التواصل الاجتماعي “فيسبوك”، أن من أصابه التغيير بسبب وفاة هيثم أو تأثر بيه لا بد أن يأخذ أن أي تغيير أو عمل خيري يقوم به يكون في ميزان حسنات هيثم.

وقالت: “أنا بكتب الكلام ده وأنا مش قادرة أكتب حاجة، بس قلت ممكن يكون في أي حاجة تفيد أي شخص تكون في ميزان حسنات هيثم وأنا بفكر نفسي قبلكم والله، كلنا بيعدي علينا اختبارات في حياتنا وممكن نحس أنه اختبار كبير أوي وصعب بس ربنا قال: (الذين إذا اصابتهم مصيبة قالوا إنا لله وإنا اليه راجعون أولئك عليهم صلوات من ربهم ورحمة وأولئك هم المهتدون)”.

هيثم أحمد زكي
هيثم أحمد زكي

وتابعت إنجي سلامة: “يعني أنا كلي لله ورجعاله علشان الواحد يفتكر أنه في الأخر ملوش غير ربنا وكلنا في الآخر رجعنله مهما قلوبنا تعلقت بأشخاص أو أشياء، سيدنا يعقوب لما قالوله إن ابنه سيدنا يوسف توفي قال: (فصبر جميل والله المستعان على ما تصفون)”.

وأكملت: “الصبر الجميل مش معناه إن مفيش حزن هو كان حزين جدا على يوسف وأخوه.. بس يكون فيه رضا.. في ناس وقت البلاء ممكن تقول ليه يا رب عملت فيا كده أو اشمعنى أنا، ويقول انا صابر بس ده مش معنى الصبر إني أكون معترضة على قضاء الله”.

وأضافت: “دايما خلي شكوتك لله واتكلم معاه من قلبك ربنا سميع قريب ودود مجيب زي ما سيدنا يعقوب قال كمان (إنما أشكوا بثي وحزني الى الله وأعلم من الله ما لا تعلمون)، أي ابتلاء انت بتعدي بيه دلوقتي ليه آخر وليه جزاء وهتشوف جزاء الصبر ده في الدنيا والآخرة بس خليك راضي بقضاء الله”.

وقالت إنجي سلامة: “وقت البلاء ممكن تلاقي ناس كتير حواليك ربنا بعتهوملك يهونوا عليك لكن مفيش حد في إيده حاجة بجد غير الله ومحدش هيبقى حاسس بوجعك غيره (ليس لها من دون الله كاشفة)، ربنا أعلم بالخير ليك وبالأصلح ليك ومع البلاء ربنا بينزل لطف وصبر يخليك تتعرف على ربنا بشكل جديد يمكن مكنتش تعرفه بيه لولا البلاء ده”.

واستطردت: “يمكن ربنا ميجمعكش باللي بتحبه في الدنيا لحكمة هو يعلمها وهو العليم الحكيم لكن يجمعنا بيهم في الجنة في الحياه الحقيقية اللي مفيهاش لا حزن ولا تعب ولا مرض ولا فراق (ولهم فيها ازواج مطهرة وهم فيها خالدون)”.

وأوضحت: “أي حد فقد شخص عزيز خليك عارف إن مش دي النهاية هو بس انتقل قبلك بشوية لحد ما أنت كمان تخلص رسالتك في الأرض ومهما طال الوقت فهو برده قصير في الآخر هنقول ده اكنه كان يوم او اقل كمان ( يوم او بعض يوم ) ( وما أمر الساعة الا كلمح البصر أو هو أقرب)”.

وقالت: “يا ريت كلنا نعمل حساب اليوم ده ونبتدي نتعرف على ربنا بأسمائه وصفاته وجماله علشان يوم لما يجلنا اليوم ده يبقى اسعد ايام حياتنا”.

هيثم أحمد زكي

وفاة هيثم زكي

وغيَّب الموت الفنان الشاب هيثم أحمد زكي، في الساعات الأولى لصباح الخميس الماضي، عن عمر ناهز 35 عاما، وهو نجل الفنان الراحل أحمد زكي والفنانة الراحلة هالة فؤاد.

وبدأ هيثم أحمد زكي مشواره الفني عام 2006 عندما استكمل ما تبقى من مشاهد فيلم “حليم” بعد رحيل والده بطل الفيلم أحمد زكي، ليقوم في العام التالي ببطولة فيلم “البلياتشو”، ثم توالت أعماله الفنية انتهاء بمسلسل “علامة استفهام” في رمضان 2019، والذي يعد آخر أعماله.

ودفن جثمان الفنان هيثم أحمد زكي، بمقابر الأسرة على طريق الواحات بأكتوبر، ليكون بجوار جثمان والده أحمد زكي والفنان ممدوح وافي، الذي دفن هو الآخر فى هذه المقبرة بناء على وصيته بدفنه بجوار صديق عمره أحمد زكي.

عزاء هيثم أحمد زكي
عزاء هيثم أحمد زكي
عزاء هيثم أحمد زكي


الكلمات المتعلقة‎


مواضيع ممكن تعجبك