تستمع الآن

شاهد| هنا الزاهد تودع طلعت زكريا: «معرفتش كلمة بابا غير وأنا معاك»

الأربعاء - ٠٩ أكتوبر ٢٠١٩

ودعت الفنانة هنا الزاهد، زوج والدتها الفنان طلعت زكريا، الذي توفي عقب صراع مع المرض عن عمر ناهز 58 عامًا.

كان الفنان الراحل طلعت زكريا، قد تعرض لوعكة صحية شديدة، أدت إلى نقله لأحد المستشفيات.

وطالبت “إيمي” ابنة الفنان طلعت زكريا الجمهور الدعاء لوالدها، حيث كتبت عبر حسابها بموقع التواصل الاجتماعي “فيسبوك”: “بالله عليكم اللي بيحب طلعت زكريا يدعي له بالشفاء أرجوكم هو محتاج دعاكم”، قبل أن يتوفى في المستشفى.

ونشرت هنا الزاهد، عبر صفحتها على موقع “انستجرام”، آخر صورة لها مع الراحل طلعت زكريا، مشيرة إلى أنها تجمعها به علاقة وطيدة.

ووجهت رسالة مؤثرة إلى طلعت زكريا، قائلة: “دي آخر صورة اتصورتها في كتب كتابي مع ابويا وحبيبي وسندي اللي كبرت معاه سنين، أنا فاتحة الصورة دي من بدري وعايزة اقولك إنك ربنا هيدخلك الجنة يا أطيب خلق الله أنت ربيت ٣ بنات وكأنك أبوهم واكتر”.

هنا الزاهد

وتابعت: “أنا عايزة اقولك إني معرفتش كلمة بابا غير وأنا معاك، عمري مقولت أصلا تقريبا بابا غير ليك.. كنت بجري عليك أول معمل حاجة غلط عشان تدافع عني قدام ماما”.

وأضافت هنا الزاهد عن طلعت زكريا: “فكرة أول بيض أومليت وقولتلي اعملي مطعم (بالهنا والشفا)، وادتني 100 جنيه عشان تشجعني اطبخ، وكنت دايما تقولي أنت هتبقى حاجة كبيرة وكنت بتشجعني.. كنت فخور بيا لما اتخرجت وعيطت اليوم ده”.

 

View this post on Instagram

 

دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين و قولتلي اعملي مطعم ” بالهنا و الشفاه” و اديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء

A post shared by هنا الزاهد (@hannahelzahed) on

واستطردت: “أنا عمري محسيت انك مش أبويا اللي مخلفني.. أنا مش مصدقة إني مش هشوفك تاني واقولك زازي يا زازي”.

وأوضحت: “نفسي ترجع وأقولك قد ايه احنا بنحبك كلنا وأقولك إنك أعظم ممثل، أنا بحبك قوي ومكنتش أعرف إني بحبك قوي كده، هتوحشني يا أحن إنسان عرفته في حياتي.. أرجو الدعاء”.

كان الفنان طلعت زكريا زوج والدتها، قبل أن ينفصل عنها خلال السنوات الماضية.

طلعت زكريا


الكلمات المتعلقة‎


مواضيع ممكن تعجبك