تستمع الآن

حمزة العيلي: الأدوار غير المركبة الأصعب بالنسبة لي «واللي ما اشتغلش مسرح فاته نص التمثيل»

الخميس - ٢٧ يونيو ٢٠١٩

استضافت زهرة رامي، في حلقة اليوم الخميس من «عيش صباحك»، الفنان حمزة العيلي، للحديث عن أدواره في رمضان الماضي ونشاطه الفني مؤخرًا.

وقال حمزة العيلي إن «أصعب الأدوار بالنسبة لي هي اللي بعمل فيها شخصيات عادية غير مركبة، لأني بحب الأدوار اللي فيها شغل كتير، لكن العادية بيبقى فيها مجهود كبير، لأني بطلع بشخصيتي العادية فلازم أكون متوحد مع الشخصية».

وأضاف «العيلي» أن «المسرح بيأثر على الممثل، لأن في المسرح بنشتغل عالواسع، لكن الكاميرا فضّاحة أوي، واللي ما اشتغلش مسرح فاته نص التمثيل، وشايف إن التليفزيون أصعب من المسرح بالنسبة لي، لكن أنا عاوز أركز شوية في السينما الفترة الجاية».

وعن الفن السابع، أكد حمزة العيلي: «ما زالت السينما هي اللي بتأرخ وبتخلد الفنان، لأن الدراما بتتشاف مرة واحدة إلا القليل، لأننا ما عندناش مخرجين وكتاب وممثلين زي زمان».

ووصف حمزة العيلي دوره في مسلسل «قمر هادي» رمضان الماضي بأنه «صعب جدًا»، موضحًا: «شخص شرير وحقود على ابن عمه، فكنت قلقان جدًا من مشهد موته، وصورنا المشهد على 3 أيام، والمشهد كان لحظة إنسانية كبيرة جدًا وبيبعت رسالة إن ربنا غفور رحيم، ولقيت الناس اتعاطفت معاه جدًا».

وأكد «حمزة» أن العمل على شخصيتين في نفس الوقت خاصة إذا كانوا قريبين من بعضهما وهما دوره في «قمر هادي» والآخر في «ابن أصول»، صعب ومرهق، وأنه من الأفضل بالتأكيد أن يكون التركيز على شخصية واحدة، لذا كان عليه مسك زمام الأمور كي لا تتداخل تفاصيل الشخصيات.

وتابع: «أنا مش نشيط عالسوشيال ميديا، ودلوقت بقى فيه معيار اختيار الممثل حسب نشاطه عالسوشيال ميديا، وده معيار للأسف ظلم كتير من الفنانين، موضحًا أنه يعمل حاليًا على مشاريع جديدة للسينما وكذلك للمسرح حيث من المنتظر أن يعيد تقديم مسرحية «عن العشاق»، وكذلك تجربة إخراج مسرحي مع مجموعة من ذوي القدرات الخاصة.


الكلمات المتعلقة‎


مواضيع ممكن تعجبك