تستمع الآن

سمية الخشاب عن طلاقها من أحمد سعد: أنا اللي كانت فاتحة البيت.. وريم البارودي قالت لي «أنا قرفت منه»

الخميس - ١٦ مايو ٢٠١٩

سمية الخشاب عن طلاقها من أحمد سعد: أنا اللي كانت فاتحة البيت.. وريم البارودي قالت لي “أنا قرفت منه”

ردت الفنانة سمية الخشاب على اتهام الفنانة ريم البارودي لها بخطف أحمد سعد منها، مشددة على أن سعد لم ينفق عليها أثناء فترة الزواج، وهي التي كانت تنفق على المنزل.

وقالت سمية خلال لقائها ببرنامج “شيخ الحارة”: ”أنا مخدتوش منها خالص هما كانوا مطلقين وكل واحد بيتكلم بمزاجه”، مؤكدة إنها سألت ريم عن انفصالها عن الفنان أحمد سعد؟ فقالت لها “أه أنا سيبته”.

وأضافت أن ريم قالت لها “أنا قرفت منه ومزعج ومش بيسمع الكلام وعيشته تزهق”، مشيرة إلى أن علاقة أحمد سعد وريم البارودي علاقة فيها الكثير من الخناقات قائلة:” خناقتهم أكتر من صلحهم”.

وتابعت، أنها تأكدت من طلاقهم من خلال وثيقة الطلاق، قائلة: ”ومش محتاجة أخطف حد وياريت اللي جرا ما كان.. ومش عيب أن تقفي بجانب جوزك بس يكون يستاهل ومش ناكر للجميل”.

وأردفت: “مكنش بيصرف عليّ وكنت بحوش له عشان أعمله حاجات وكان ساعات بيصرف، أنا اللي كانت فاتحة البيت، وهي وكنت بصرف على البيت في الفترة دي”، مؤكدة:”كان بيصرف على قد السوبر ماركت والشغالة”.

وأشارت إلى أن شقيق طليقها الفنان عمرو سعد كان سعيد بارتباطهما وقال لأحمد سعد “سمية إنسانة كويسة جدا، وأنا مطمن معاك جدا، بس أسرتي كانت رافضة الزواج، ودي أكبر غلطته عملتها أني مسمعتش كلام أسرتي قبل ارتباطي بسعد”.

وتابعت: “عمرو سعد قال انتوا تتطلقوا أحسن، عشان ميحصلش مشاكل ونتعك فيها كلنا، عمرو سعد كان خايف على اسمه من الفضائح، ومكنش بيسأل أصلا عن أخوه، أحمد لما كان بيتعب بليل كنت بروح المستشفى بالبيجامة ومحدش كان بيقف جنبه غيري”.

وأضافت أن زواجها من أحمد سعد هو أكبر غلطة في حياتي، وبعتذر لنفسي ولكل الناس اللي بيحبوني واللذين نصحوني من عدم الزواج منه، قائلة: “أنا اتخدعت فيه”.

وتابعت: “خليه ماشي ورا كلام اللي حواليه، أحمد لم يجنح للسلم، وأنت مشفتش خير غير على إيدي، إيه التفاهات اللي بيقولها، شكرًا يا أستاذ أحمد”.

وعن احتمالية الرجوع لأحمد سعد، أبدت الفنانة انزعاجها من مجرد التفكير في الرجوع له عقب الانفصال، مؤكدة: “أنا سامحت في الدم وهو لم يقدر.. مبقاش يقدر يفرق بين اللي بيحبه واللي بيشتغله، أنا سيبت عمري كله عشانه واعتبرته ابني الصغير”.

وبكت الفنانة في نهاية الحوار قائلة: “إيه القسوة دي؟ هو اللي بيعمل كده إنسان؟، أنا كنت داخلة العمليات وبقول للناس خدوا بالكم من أحمد، ماما مش مسمحاك وحسبي الله ونعم الوكيل”.

كان سعد أعلن انفصاله عن سمية الخشاب، بعد زواج دام لعامين، صباح يوم 28 مارس 2019، وتثبت الوثيقة أنه طلقها رسميا على يد المأذون بعد هذا التاريخ بيومين.

سمية الخشاب وأحمد سعد احتفلا بعقد قرانهما يوم 20 أكتوبر 2017، في حفل اقتصر على حضور الأهل والأصدقاء.

وخرج سعد في إحدى حلقات برنامج “شيخ الحارة” ليتهم طليقته بالاستيلاء على الشقة التي قام بشرائها لها.


الكلمات المتعلقة‎


مواضيع ممكن تعجبك