تستمع الآن

الشعور الدائم بالإرهاق والجوع والعطش من أهم أعراض الإصابة بمرض السكر

الأحد - ٢٦ أغسطس ٢٠١٨

زادت في الفترات الأخيرة نسبة الإصابة بمرض السكر عند الأطفال والمراهقين وذلك لأسباب عديدة على رأسها الإكثار من تناول الوجبات السريعة.

وفي هذا السياق، قالت هالة العيسوي استشاري أمراض الباطنة إن من أسباب زيادة ظهور مرض السكر عند المراهقين هو تناول الوجبات السريعة “junk food” وقلة الحركة والجلوس لفترات طويلة أمام شاشات التليفزيون والألعاب الإلكترونية، مما يسبب السمنة التي تؤدي إلى الإصابة بالسكر.

وأضافت هالة العيسوي خلال حوارها مع رنا خطاب في برنامج “بنشجع أمهات مصر” على نجوم إف إم “من أهم أعراض السكر كثرة التبول والعطش وعدم التئام الجروح بسرعة والشعور بالإرهاق والجوع بشكل متكرر”.

وعن أنواع السكر قالت “في نوعين سكر، النوع الأول ده معتمد على الإنسولين وده بيظهر عند الصغيرين، النوع التاني بيظهر غالبا بعد سن الأربعين ومابيعتمدش على الإنسولين، بياخد حبوب وبيحافظ على أكله لكن لو ماكنش محافظ ممكن ياخد إنسولين”.

الدكتورة هالة العيسوي استشاري امراض الباطنة وسكر

وأضافت “النوع الأول لو جه مريض السكر بيكمل طول حياته على الإنسولين، لكن النوع التاني لو لعب رياضة وظبط أكله وقلل السكريات ممكن مايحتجش خالص ياخد إنسولين”.

وتابعت “مابحبش مبدأ الحرمان في الأكل بذات عند الأطفال لأنه ممكن ياكل من وراكي، فخليه ياكل بس أهم حاجة يحرق بعد الأكل ويلعب رياضة”.

أما عن أنواع الطعام المفيدة لمرضى السكر قالت “الكركم مفيد جدا لمريض السكر فأحاول أدخله في الأكل اليومي، كمان بذر الكتان بيخفض مستوى السكر وبتخليه يشعر بالشبع، وكمان البرتقال ويفضل أكله مش شربه كعصير، والقرفة بتوطي مستوى السكر بس اللي عنده انخفاض في مستوى السكر مايخدهاش، الشوفان من النشويات المهمة وبيُشعر بالشبع، 3 معالق منه مع لبن خالي الدسم ده يعتبر فطار كويس”.


الكلمات المتعلقة‎


مواضيع ممكن تعجبك