تستمع الآن

خبيرة تجميل: يجب التأكد من أن المكياج مصرح به من وزارة الصحة

الأحد - ٠١ يوليو ٢٠١٨

قالت منى إسماعيل خبيرة التجميل أن أهم شئ في المكياج الذي نستخدمه هو التأكد من أنه مصرح به من وزارة الصحة وآمن في الاستخدام، بغض النظر عن سعره. مضيفة أنه ليس كل مكياج سعره قليل يعتبر سيئ أو مُضر، وأكدت أن المهم هو أن يكون مصرح به، وتم شراؤه من مكان مضمون”.

وأضافت خلال حوارها مع رنا خطاب في برنامج “بنشجع أمهات مصر” على نجوم إف إم، “في ألوان صيفية وألوان شتوية للمكياج لكن شخصيا مش بحب الموضوع ده وبشوف إن مفيش مشكلة أستخدم الألوان في أي وقت. ويفضل لو هنستخدم اللون الأحمر في المكياج يكون اللبس مفيش فيه ألوان كتير”.

وعن درجات الألوان المناسبة حسب لون البشرة قالت “أصحاب البشرة القمحية والسمراء بيليق عليهم أي درجات ألوان، أما أصحاب البشرة البيضاء بفضل أستخدم معاهم الألوان الخوخية”.

وأردفت “مش برجح استخدام الرموش الثابتة أو اللي بتفضل مدة طويلة لأني مقتنعة إن أي حاحة بتتحط على البشرة أو العيون وبتفضل مدة طويلة ليها تأثير سلبي”.

 منى إسماعيل خبيرة التجميل
منى إسماعيل خبيرة التجميل

أما عن المكياج اليومي قالت “يُفضل استخدام المكياج الخفيف في الاستعمال اليومي مثل الماسكارا ولون خفيف مثل اللون البيج تحت الحواجب”.

رسم العيون

وأضافت “ظبط الأيلاينر بيجي مع الممارسة الكتير، وكمان على حسب نوع الأيلاينر اللي بستخدمه هل جيل أو قلم أو غيره. من الحاجات المهمة كمان هي اختيار رسمة الأيلاينر المناسبة لشكل عيني. ولو عايزه أوضح الأيلاينر أحطه لونه أسود لو عايزه حاجة تبان طبيعية كأني مش حاطه حاجة أحط لون بني. و بالنسبة للهايلايتر يفضل استخدامه بشكل خفيف أوي وبسيط لأصحاب البشرة الدهنية”.

وعن أهمية ترطيب البشرة قالت “فكرة ترطيب البشرة دي مهمة جدا ومن أهم الحاجات اللي ممكن أعملها تفيد بشرتي هي شرب المياه والسوائل واستخدام الصن بلوك خصوصا في فصل الصيف، وعايزة أوضح إن الصن بلوك مش بيطلع حبوب في البشرة”.


الكلمات المتعلقة‎


مواضيع ممكن تعجبك