تستمع الآن

مواقف طريفة تعرضت لها أمهات مصر خلال الولادة

الأحد - ٢٧ مارس ٢٠١٦

طلبت رنا خطاب من المستمعين عبر برنامج “بنشجع أمهات مصر” على نجوم إف إم، سرد أطرف المواقف التي حدثت لهم خلال الولادة.

وقام العديد من الأزواج والزوجات بسرد قصص طريفة، والتي كانت كالتالي:

-“بعد ما طلعت من البنج كنت بنام وبصحى وكل ما بصحى بسلم على كل الناس وأرجع أنام تاني وأصحى بعدها بدقيقتين، أسلم على الناس مرة تانية، وفضلت أعمل كده كتير لحد ما الناس زهقت ومشيوا”.

– “دخلت أوضة العمليات، وكنت بعيط من كتر الخوف، وفتحت عيني لقيت كل الأطباء وطاقم التمريض قدامي، فضلت أصرخ فيهم ميفتحوش بطني علشان لسه صاحيه والبنج ماشتغلش، الدكتور قالي إني ولدت خلاص”.

– “وأنا خارجة من أوضة العمليات وأنا لسه في البينج كنت باقول عايزة ملوخية”.

– “ولدت قيصري وبعد ما العملية خلصت أعدت اصرخ، الدكتور سألني بتصرخي ليه انتي واخده بنج واستحاله يكون في ألم؟، رديت عليه قلتله ياعني فاتحة بطني ودافعة فلوس قد كده، ومستخصر فيا أصرخ شوية من نفسي”.

– سيدة تحكي أنها بعد ما ولدت وفاقت من البنج، بتحط إديها على بطنها ملقتش بطنها كبيرة زي ما متعودة عليها، فصرخت”أنتم عملتم ايه؟ خدتوا كل اللي كان في بطني أعيش ازاي دلوقتي؟”. الطريف أن زوجها قام بتسجيل ما تقوله ليسمعوه مرارا وتكرار ويحضحكون.

– “ولدت في أمريكا، وبعد الولادة طلبت من الدكتور يجبلي البنت أشوفها، دكتور التخدير قالها شوية وهجبهالك أصل باباها بيغني في ودنها، وهو مكنش بيغني طبعا كان بيأذن في ودنها”.


الكلمات المتعلقة‎


مواضيع ممكن تعجبك