تستمع الآن

كريم عفيفي: دوري في «ولد الغلابة» الأقوى.. ومشاهدي مع علي ربيع بدون «سكريبت»

الخميس - ١٣ يونيو ٢٠١٩

استضافت المذيعة زهرة رامي، الفنان كريم عفيفي، في برنامج «عيش صباحك» على «نجوم إف.إم» للحديث عن أدواره في موسم رمضان الماضي، وأعماله الفنية بشكل عام.

وقال كريم عفيفي إن دوره في مسلسل «ولد الغلابة» كان له رد الفعل الأقوى في رمضان، لأنه مختلف عن أدواره السابقة ويُظهر جانب آخر فيه كفنان أنه يستطيع القيام بأدوار جادة بعيدًا عن الكوميديا مؤكدًا «الناس بتزهق وكان لازم أغير شوية».

وتابع كريم عن دور «حمزة» في «ولد الغلابة»: «ما كانش عندي مشكلة في اللهجة، المشكلة كانت في كلمات بسيطة، كان كل اللي قالقني إني ما اتكرهش لأني هقتل أختي وهعمل نقلة في أحداث المسلسل»، مؤكدًا أن «المخرج محمد سامي مخرج عبقري كنا عاوزين الشخصية تتحب فدخلنا شوية إيفيهات ومواقف حلوة علشان يتحب وده حصل شوية لما ندم في الآخر»، موضحًا أن أكثر ما كان يوتره خلال العمل هي مشاهد الدراما لأنها تحتاج إلى قدر كبير من التركيز.

وعن مشاركته مع علي ربيع في مسلسل «فكرة بمليون جنيه» قال «عفيفي»: «في الغالب ما بيبقاش فيه سكريبت للمشاهد اللي بتجمعني بعلي ربيع، بناخد السكريبت وبنغير فيه حاجات لكن بنحافظ على خط المشهد»، مضيفًا «الكوميديا لو حطيت فيها حاجة غلط تبوظ فأحنا عرفنا بعض خلاص وإزاي نفرش لبعض الإفيهات في المشاهد، ولو مثلت مع حد غريب تلاقيني قلت الإفيه فما تظبطش».

وتابع كريم عفيفي أنه يحب العمل مع نجم كبير أو شركة إنتاج كبيرة أو مخرج جيد، لأن أي من الثلاثة سيسند العمل، مؤكدًا أنه لا يحب المخاطرة بمشواره في الوقت الحالي في عمل لا يضم أي من الثلاثة، موضحًا: «الحاجة اللي تخليني أرفض عمل هو إن ما يكونش فيه أي حاجة من التلاتة دول حتى لو الدور عاجبني، لأنه هيبوظ، لكن لو مفيش شغل هعمله عادي».

وعن أعماله القادمة قال: «بشارك في فيلم (الأوضة الضلمة الصغيرة) بطولة أكرم حسني كضيف شرف وبجهز لكذا حاجة دراما بره رمضان وسينما كمان بقراها أكيد هتطلع منهم حاجة».


الكلمات المتعلقة‎


مواضيع ممكن تعجبك